كشف الممثل المصري شريف منير عن غضبه الشديد من فاتورة الغاز التي تلقاها هذا الشهر والتي سببت له صدمة.
وكتب عبر حسابه الخاص على موقع التواصل الإجتماعي التالي: "اللي حصل إني اتفاجات أن فاتورة الغاز جات لي 3200 جنيه ..سالت المحصل ليه المبلغ ده ؟ قالي لأن حضرتك مدفعتش 17 شهر قلت له ازاى أنا بدفع كل شهر وعندي أخر فاتورة الشهر اللي فات .. فقال لي .. معرفش.. حضرتك اشتكي... رحت فعلا شركة الغاز و قلت للمدير الموضوع... فرد عليا أغرب رد .. قال لي حضرتك لازم تدفع لان اللي بيجي لحضرتك كل شهر ده المتوسط .. فقلت له .. ليه أنا بدفع كل شهر .. أنا ذنبي إيه .. قال لي مالكش ذنب لكن لازم تدفع وإلا هنقطع عنك الغاز .. وكمان حضرتك ماتعتمدش على مندوب يجي ياخد قراية العداد ... إنما حضرتك تقراه وتدخل على موقع الشركة وتكتبه ... أو تكلمني في التليفون تقولهولي ... اندهشت اكتر و سألته ليه هو مش دي شغلته .. قال لي أنا بقولك المفيد".
واضاف منير: "فهل هذا هو المفيد يا سادة.. مشيت وأنا بقول لنفسي هي دي الناس اللي بتشد البلد لتحت .. وبيأخرونا سنين ،،، طيب الموظف البسيط لو حصله موقف زي ده وطلعوا عليه مبلغ كبير وقالوله أما الدفع الفوري لان مفيش تقسيط أو يقطعوا عنه الخدمة هيعمل إيه،،، طبعا هيكره نفسه وبلده،، وبعدين نشتكي من الحكومة والريس مع إن العيب في الأخلاق والضمير ولو جالنا ألف حكومة أو ريس هيعملوا إيه .. .. مش كده ولا ااااااااايه".
